الإعلام الرياضي المصري .... وقراصنة النجاح
إنهاردة أخ صاحبي حبيبي فكرني بموقف خلاني أضحك مع إني من فترة ماضحكتش ... فاكرني لما واحد جالي يصالحني بعد مشكلة بيني وبينه قالي كدة باللفظ .... ( خلاص ياعم الشيخ بقى عفا الله عما خلف ) هههههههه فقررت أضحك شوية ... ومن الضحك ما أبكى
- الإنجاز الوحيد اللي أنا شوفته وعيشته في مصر إن مصر فازت بكاس الأمم 4 مرات
( دول اللي فاكرهم )
لما فوزنا أنا فرحت والله مش عارف ليه فرحت بس قولت أهي حاجة الواحد يحس بالنجاح فيها ويمكن
فرحت لما ماشوفت ( أبوتريكة ) اللاعب الخلوق لما كتب على التي شيرت بتاعه عبارات لنصرة أخوانا في فلسطين المغتصبة . بس يا خسارة .....
بعدها جم شوية حرامية ( هما هما نفس الحرامية اللي بيسرقوني من ساعة ماتولدت من تلاتين سنة ) سرقوا الفرحة دي وكأنه إنجاز من جملة إنجازاتهم ... بصراحة بعدها كرهت الكورة .. حتى الكورة سرقوها .... وسرقوا الفرحة الوحيدة اللي فرحتها ؟؟؟؟
بعدها جم شوية حرامية ( هما هما نفس الحرامية اللي بيسرقوني من ساعة ماتولدت من تلاتين سنة ) سرقوا الفرحة دي وكأنه إنجاز من جملة إنجازاتهم ... بصراحة بعدها كرهت الكورة .. حتى الكورة سرقوها .... وسرقوا الفرحة الوحيدة اللي فرحتها ؟؟؟؟
وطبعا الإعلام الرياضي فضل يقول هم دول سبب النجاح .... لولا توجيهات فلان ونجل علان وأخو زيدان وبن عم عمران ماكناش كسبنا ... شوفت بقى إن مصر بتتقدم بيهم ؟؟؟؟
- إعلامي مشهور أجل ما فيه إسمه لأنه يحمل لفظ التوحيد , من فترة فضل يتريق ويستخف ويستظرف ويقول : أصل الأيام دي كل اللي بيصحى الصبح متضايق وقرفان من حاجة بيعمل وقفة احتجاجية ...
- مع إني مش بشجع كورة أصلا لأنها رمز للتعصب والفرقة بس لو هاشجع كورة مش هاشجع الأهلي .... الأهلي بقى رمز للسلطة ... بقى رمز للأغلبية .... مش هايتغلب بقى .... من تلاتين سنة بيغلب ... نفسي الأهلي يتغلب قبل ماموت...هههههههههههههههههههه
- في الإعلام المصري الرياضي هاتسمع نفس الألفاظ اللي بتسمعها في السياسة على الجماهير المعترضة .....
قلة مندسة
شلة رعاع
شرذمة قليلة
هوليجانز
مأجورين
- نفس اللي بيحصل في السياسة معظم المحللين الفنيين في القنوات الفضائية مش بيفهموا في الكورة أصلا وأدواتهم قديمة , واللي بيفهم فيهم كل الناس تقوله يا عم ده زملكاوي معارض ولا هو فاهم حاجة , ده حنجوري ...بالله عليك مش ( حنجوري ) أفضل من ( الباجوري )
الحال في الرياضة بقى أغلبية أهلاوية عمالة تكسب من تلاتين سنة ....و أقلية موتورة زملكاوية حنجورية يا عيني مش عارفة تعمل حاجة غير الزعيق والخناق والبكاء والإعتراض على الحكام ...........( بالذات الحكم أبو سنان واقعة ).....وفرق تانية مع الأهلي فين ما يروح لما بيلعبوا مع الأهلي قبلها بيوم تسمع إن الأهلي بيفاوض اللاعب الفلاني من الفرقة دي ..... وتتوالي الصفقات............
يا ألف مليون خسارة
محمود علي ... في 12 / أكتوبر / 2010
ليست هناك تعليقات:
إرسال تعليق